Албан ёсны болон мэргэжлийн хэллэгээр бол Хот хороондын болон аймаг хоорондын зорчигч тээврийн авто буудал  буюу бидний нэрлэдгээр Авто вокзал барих ажил хэдийнэ эхэлжээ. Энэ ажилд “Шинжүү” ХХК шалгарсан байна. Нийтдээ 4 тэрбум 976.7 сяа төгрөгийн төсөвт өртөгтэй энэ ажлын явц 25 хувьтай байгаа гэнэ. Он гарснаар нэгдүгээр давхрын хучилтын арматурчлал хийгдэж байгаа гэнэ.

Харин гуравдугаар сургуулийн барилгыг нураан шинээр барих ажлын явц 12 хувьтай байгааг сонордуулав. 960 хүүхдийн суудалтай, спорт заалтай энэ барилгын ажлын гүйцэтгэгчээр “Уранхангай групп” ХХК шалгарсан юм. Төсөвт өртөг нь 7 тэрбум 903.2 сая төгрөг. 2022 онд Д блокын суурийн ажил хийж дууссан. 2023 он гараад В блокын суурийн ажил мөн дуусаад байгаа аж. С блокын газар шорооны ажил хийгдсэн. Д.блокын зоорийн давхрын арматурчлалын ажил ид өрнөж байгаа гэнэ.  Баян-Өндөр сумын хувьд бараг 30 жилийн түүхэндээ өөрийн хөрөнгө оруулалтаар 150 хүүхдийн ортой цэцэрлэгийн барилгын ажлыг эхлүүлсэн. Тендэр шалгаруулалтад “Хөх тавилан” ХХК шалгарсан, ажил нь үргэлжилж байна. Төсөвт өртөг нь 2 тэрбум 795.9 сая төгрөг. Он гарсаар нэгдүгээр давхрын арматурчлалын ажил хйиж байгааг мэргэжлийн байгууллагаас дуулгалаа.