Татвар төлөгчдийн өдрөөр улс, орон нутгийн төсөвт хамгийн их татвар төлсөн тэргүүний, шилдэг аж ахуйн нэгжийг шагнаж урамшуулсан юм. Жижиг сигментийн төрөлд тэргүүний татвар төлөгчөөр шалгарсан “Хангайн бүс худалдааны төв”-ийн захирал Ц.Ойдовын сэтгэгдлийг хуваалцлаа.
“Миний хувьд төдийгүй манай хамт олны хувьд Орхон аймагтаа аж ахуйн үйл ажиллагаа эрхлээд, татвар төлөгч болоод 25 жил өнгөрчээ. Энэ хугацаанд манай хамт олон Орхон аймгийн шилдэг татвар төлөгчөөр 3 удаа шалгарсан байна. Энэ хугацаанд хамтарч ажилласан, манай байгууллагтай холбоотой байдаг бүх хүндээ талархлаа илэрхийлж байна.
Татвар бол төр оршихуйн үндэс гэж үздэг. Иргэнийхээ үүргийг бодсон ч, аж ахуйн нэгж хуулийн этгээдийн үүргээ бодсон ч хамгийн түрүүнд татвараа төлөх ёстой гэдэг зарчмыг барьж ажилладаг, манай байгууллагын хамт олон. Гурав дахь удаагаа Орхон аймгийн шилдэг татвар төлөгчөөр шалгарсандаа сайхан байна, баяртай байна.
Манай Орхон аймаг Татвар төлөлтөөрөө, татварын орлогоороо улсдаа байнга тэргүүлдэг. Тэр дундаа манай Орхон аймгийн аж ахуйн нэгжүүд маш сайн идэвхтэй ажилладаг. Улсынхаа тэргүүний татвар төлөгч байдаг онцлогтой. Ингээд аймгийнхаа нийт татвар төлөгч аж ахуйн нэгж, байгууллага иргэн та бүхэндээ баярлалаа.
