Манай аймгийн хувьд энэ жил орон нутгийн төсвийн 73 тэрбум төгрөгийн хөрөнгө оруулалтын ажил хийнэ. Тендэрийн хуулийн дагуу эхний ажлууд аль хэдийнэ зарлагдаж шалгарсан компаниуд гэрээгээ байгуулж ажил эхэлжээ. Үүний хүрээнд “Танил зах” орчмын шороон замуудын хатуу хучилттай болгоно. Мөн “Танил зах”-аас А1002 зам руу орсон шороон замыг хар замтай холбохоор ажиллаж байна.
Нийтдээ “Танил зах”-ыг тойрсон, энэ орчмын 2.29 км шороон замыг хатуу хучилттай болгоход орон нутгийн төсвөөс 2.2 тэрбум төгрөг зарцуулах гэнэ.
