Аймгийн Засаг даргын шуурхайд Баян-Өндөр сумын Засаг дарга Б.Баасансүрэн цаг үеийн асуудлаар мэдээлэл хийлээ. Баян-Өндөр сумын хэмжээнд энэ оны мал, тэжээвэр амьтдын тооллого арванхоёрдугаар сарын 7-ноос эхэлнэ. Мал тооллогын ажлын бэлтгэлийг ханган ажиллаж энэ тухай  сумын Засаг даргын Захирамж гарсан. Арванхоёрдугаар сарын 7-17-ны өдрүүдэд хөдөөгийн 8 чиглэлд, төвийн нэг чиглэлд нийт 719 малчин, мал бүхий өрх, 8 аж ахуйн нэгжийн 76.1 мянган тоо толгой мал тоолно. Мөн аж ахуйн нэгж байгууллагууд орчны зам, талбайн цас, мөсийг цэвэрлэх албан мэдэгдлийг багуудын Ажлын албаар дамжуулан хүргүүлсэн. Энэ ажлын хүрээнд нийт 19 багийн 517 аж ахуйн нэгж 31 мянга 181 метр кв талбайн цас мөсийг цэвэрлэсэн. СӨХ-д байр орчмын цасаа цэвэрлээд байна.

Сумын ЗДТГ-аас Хөдөлмөр, халамж үйлчилгээний газартай хамтран бүх нийтийг хамарсан цас цэвэрлэх ажлыг зохион байгуулсан. Арваннэгдүгээр сарын 30-наас арванхоёрдугаар сарын 4-нийг дуустал 5 хоногийн хугацаатай зохион байгуулсан.

Сумын хэмжээнд өнөөдрийн байдлаар 1280 метр куб буюу 220 портер мод, 120 тн нүүрсний нөөцтэй байна. Түлшний хомсдолоос шалтгаалаад нүүрсний нөөц багасаад байгаа. Аймгийн удирдлагаас Өвөрхангай аймгийн Засаг даргатай яриа хэлэлцээ хийсний үндсэн дээр нүүрсний захын том машинууд Баянтээгийн уурхайгаас нүүрс татахаар гарсан байгаа. Нүүрс тээврийн машин 44 тн-оос хэтрүүлэхгүйгээр тээвэр хийхийг зөвшөөрсөн ажээ.