Аймгийн Газрын харилцаа, барилга хот байгуулалтын газраас “Аймгийн хэмжээнд газрын харилцааны талаар 2022 онд баримтлах үйл ажиллагааны чиглэлийн биелэлт, 2023 онд баримтлах үйл ажиллагааны чиглэл батлах тухай” асуудлыг аймгийн ИТХ-ын Зөвлөлийн хурлаар оруулж хэлэлцүүлсэн билээ.
Газрын харилцаа, барилга хот байгуулалтын газраас “Хотын хөгжлийн ерөнхий төлөвлөгөө” болон “Хэсэгчилсэн ерөнхий төлөвлөгөө”-г үндэслэн аймгийн Засаг даргын 2022 оны А/622 дугаар захирамжаар Баянцагаан багийн нутаг дэвсгэр Шар чулуутын энгэрт 20.35 га газрыг орон сууцны зориулалтаар аймгийн ЗДТГ-т эзэмшүүлэн нөөцөд авчээ.
Мөн аймгийн Засаг даргын 2022 оны А/100 дугаар захирамжаар Цагаанчулуут баг, долоодугаар хороололд 4.1 га, 2022 оны А/125 тоот захирамжаар 3.5 га газрыг нөөцөд авсан байна. Ингэснээр нийтдээ аймгийн хэмжээнд энэ онд 27.95 га газрыг нөөцөд аван аймгийн ЗДТГ-ын эзэмшилд бүртгэн авчээ.
