Засаг даргын дэргэдэх Статистикийн хэлтсээс 2022 оны эхний 10 сарын нийгэм, эдийн засгийн үзүүлэлтийн талаар мэдээлэл хийлээ. Аймгийн төсөвт 167.6 тэрбум төгрөгийн орлогыг төвлөрүүлж, төсвийн гүйцэтгэл 109.5 хувьтай байна. Татварын орлогын төлөвлөгөө 14.7 хувиар давж биелсэн бол татварын бус орлогын төлөвлөгөө 27.0 хувиар тасарчээ.
Орон нутгийн төсвөөс төлөвлөгөөт санхүүжилтийн 75.1 хувь буюу 134.6 тэрбум төгрөгийн зарлага санхүүжилт хийсний 0.8 хувийг нийгмийн даатгалын шимтгэлд, 5.9 хувийг цалин хөлсөнд, 14.2 хувийг бараа үйлчилгээний зардалд, 30.6 хувийг хөрөнгийн зардалд, 48.4 хувийг татаас ба урсгал шилжүүлэгт зарцуулсан байна.
Салбарын хувьд боловсрол, соёл урлагийн салбарт 3.4 хувийг, ангилагдаагүй бусад зардалд 30.6 хувийг, нийтийн ерөнхий үйлчилгээнд 65.9 хувийг зарцуулжээ.
Өмнөх оны мөн үеэс төсвийн нийт зарлага санхүүжилт 47.7 хувиар, төсвийн орлого 57.3 хувиар нэмэгдсэн үзүүлэлттэй байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.