Дахин төлөвлөлтийн хүрээнд Эрдэнэт хотод орон сууцны хороолол нэмж барьж байгуулахад дэд бүтэц хамгийн чухал. Тэр дундаа авто зам. Энэ шаардлагын Эрдэнэт хотын нөхцөл байдал, боломж, эдийн засгийн үзүүлэлт, хувийн болон төрийн оролцоотой мэргэжлийн аж ахуйн нэгжийн бүтэц бүрэлдэхүүн тун боломжийн харагддаг, энгийн хүний нүдээр харахад. Дээр нь өнөөгийн аймаг, орон нутгийн удирдлагаас авто замын чиглэлээр хийж хэрэгжүүлж байгаа олон ажил Дахин төлөвлөлтөд түлхэц болдог. Зарим нэг нарийвчилсан судалгаа, мэргэжлийн байгууллагын дүгнэлт энэ тэрээс сөхөн харъя.  2022 оны байдлаар Эрдэнэт хотын хатуу хучилттай авто замын нийт урт нь 93.4 км юм. Хотын гол авто замын урт 54 км. Хороолол дундах туслах замын урт 14.4 км. Улсын чанартай А1001, А1002 авто замын урт 25 км байдаг.

Хот төлөвлөлтийн дагуу авто замын  нөхцөлийг сайжруулах чиглэлээр багагүй ажил хийж, хэрэгжүүлж иржээ. Үүнд,

*** 2021 онд 13 байршилд 23.2 км авто замын байршлын зураг хийсэн байна.

*** 2022 онд 2 байршилд  авто замын уулзвар, 3 байршилд хатуу хучилттай авто зам хийхээр орон нутгийн  төсөвт тусган ажил хэрэгжээд байна.

Үүнийг нарийвчилбал,

1-д “Танил” зах орчмын 2.29 км авто замын сүлжээг хатуу хучилттай болгох

2-д 11 дүгээр хорооллын Г хэсгийн авто замыг “Уурхайчин” хорооллын  авто замын хатуу хучилттай холбох 0.31 км-ын ажил

3-д Оюут баг “Ачит” худалдааны төвөөс 2-40А байрны урдуур А1001 замтай  холбох авто зам

4-д Захиргааны 4 дүгээр байрны зүүн талын авто замыг уулзварыг өргөтгөх

5-д Эрх чөлөөний өргөн чөлөөний 0.4 км авто замын уулзварыг өргөтгөх ажил багтсан байна. Үүнийгээ ч хийж хэрэгжүүлж, зарим нэгийг нь дуусган хүлээлгэн өгчээ.  

Ийнхүү авто замын нэвтрэх хүчин чадлыг нэмэгдүүлэх, хатуу хучилттай авто замтай холбох зэрэг нь иргэдийг орон сууцжуулахад, орон сууцанд ороход шууд биш ч дам утгаараа хамгийн их түлхэц, дэм нөлөөг үзүүлдэг байна.