Ухнаагийн Хүрэлсүхийн Засгийн газрын 2019 оны тавдугаар сарын 22-ны өдрийн 202 тоот тогтоолоор  “150 мянган айл- орон сууц үндэсний хөтөлбөр”-ийг батлан гаргасан байдаг. Энэ тогтоол Орхон аймгийг Дахин төлөвлөлт хийхэд, барилгажуулахад, гэр хорооллыг дахин төлөвлөхөд үнэхээр хөшүүрэг болсон юм. Засгийн газрын 202 тоот тогтоолын 3-д “Хөтөлбөрийн зорилт, арга хэмжээг жил бүрийн эдийн засаг, нийгмийг үндсэн чиглэлд тусгах, түүнд шаардагдах хөрөнгийн эх үүсвэрийг улс, орон нутгийн төсөв, гадаадын зээл, тусламжид хамруулах болон төр хувийн хэвшлийн түншлэлийн хүрээнд шийдвэрлэх арга хэмжээ авахыг аймаг, нийслэлийн Засаг дарга нарт үүрэг болгосугай” хэмээсэн нь Орхон аймаг, Эрдэнэт хотын Дахин төлөвлөлтийг эрчимжүүлэхэд чухал ач холбогдол өгөх нь дамжиггүй. Дээрх тогтоол гарснаар Засгийн газрын мөрийн хөтөлбөр ч амьдралд хэрэгжиж нийтдээ Монгол улсын 150 мянган өрх орон сууцтай болох зам нээлттэй болсон. Энэ тогтоолыг хэрэгжүүлэхэд ч нөгөө талд нь Эрдэнэтийн иргэдийг орон сууцжуулахад манай аймагт өнгөрөгч хавар болсон  “Дахин төлөвлөн барилгажуулах, дэд бүтэцжүүлэх төслүүд 2022 улсын анхдугаар зөвлөгөөн” ач холбогдлоо өгөхийн зэрэгцээ иргэдийн анхааралд өртсөн, хүсэн хүлээсэн ажил байх учиртай.

 “150 мянган айл- орон сууц үндэсний хөтөлбөр”-ийг хэрэгжүүлэхийн тулд Засгийн газраас доорх ажлуудыг хийх аж. Үүнд, Гэр хорооллыг дахин төлөвлөсний үр дүнд 45 мянган айл өрх орон сууцтай болно. Дэд бүтцийн төвд холбогдсон Амины орон сууц төсөл хэрэгжүүлж 10 мянган айлыг орон сууцжуулна. Мөн Дагуул хот дагаж барих 16 мянга 512 орон сууцыг өарихаар төлөвлөжээ. Мөн Ашиглалтын шаардлага хангахгүй барилгыг засч янзлан 3 мянган өрхийг орон сууцанд оруулна. Түрээсийн орон сууц хөтөлбөр хэрэгжүүлж 18488 айлыг орон байртай болгоно. Үүний зэрэгцээ зах зээл дээр 57 мянга гаруй барилга баригдаж ашиглалтад орсноор дээрх “150 мянган айл-орон сууц үндэсний хөтөлбөр” хэрэгжих юм байна.

Эндээс харвал манай аймагт түүхэнд анх удаагаа ч гэж хэлж болох  “Дахин төлөвлөн барилгажуулах, дэд бүтэцжүүлэх төслүүд 2022 улсын анхдугаар зөвлөгөөн” үр дүнд хүрэх, ач холбогдол нь давуу байх, иргэд нь хожих их ажлын эхлэл болсон Дахин төлөвлөлтийн давуу тал нь Засгийн газрын 202 тоот тогтоол байх нь ээ.