Аймгийн Цагдаагийн газраас залилах гэмт хэргийн шийдвэрлэлтийг ахиулах, хохирлын нөхөн төлөлтийг нэмэгдүүлэх, иргэдийн хууль эрх зүйн болон санхүүгийн мэдлэгийг дээшлүүлэх чиглэлээр сургалт өдөрлөг зохион байгуулж байна. Мөн ерөнхий боловсолын сургууль, их дээд сургуулийн багш сурагч, оюутнуудад залилах  гэмт хэргийн хор хөнөөл, учирч болох эрсдэлээс сэргийлэх талаар мэдээлэл өгч, сургалт зохион байгуулсан байна.

Орхон аймгийн хэмжээнд 2021 оны эхний найман сарын байдлаар 150 бүртгэгдсэн нь өнгөрсөн оноос 2,2 дахин өссөн үзүүүлэлттэй байна. Дээрх залилах гэмт хэргийн 70-80 хувь нь цахим орчинд залилуулсан, бусдыг залилсан гэмт хэрэг эзэлж байна.  Залилах гэмт хэргийн шалтгаан нөхцлийг үзэхэд, цахим орчинд мөнгө зээлсэн, онлайн шопоор бусад аймаг, нутгаас бараа захиалж залилуулсан. Мөн интернэт банкныхаа нууц дугаарыг алдсан зэрэг гэмт хэргүүд эзэлж байна. Энэ талаар аймгийн Цагдаагийн газрын ГБХУС-ын ахлах мэргэжилтэн, цагдаагийн ахмад Г.Эрдэнэбаяр  мэдээллээ. 

Иргэд өөрийн хариуцлагагүй байдлаас болж, цахим орчинд залилуулах, Эрдэнэт үйлдвэрт ажилд оруулж өгнө гэсэн залилагч нарт итгэж мөнгөө алдсан хэргүүд их хэмжээтэй байна. Иймд залилах гэмт хэргийн хохирогч болохгүйн тулд дахин дахин нягталж шалгах, цахим орчинд аюулгүй байдлаа хангахыг цагдаагийн байгууллагаас анхааруулж байна.