Өнгөрсөн долоо хоногийн Засаг даргын шуурхай зөвлөгөөн дээр гэр хорооллын багуудад өмнөх жилүүдэд хийж гүйцэтгэсэн инженерийн шугам  сүлжээний хийцэлд хяналт шалгалт хийж, суулт өгсөн газруудыг гүйцэтгэгч байгууллагаар засварлуулж хэвийн үйл ажиллагааг хангах үүрэг даалгавар өгсөн. Үүний хүрээнд өнгөрсөн сарын  26-28-ны өдрүүдэд 2019 оноос 2022 онд хийсэн болон  одоо хийж байгаа 25 ажил дээр МХГ,ХБТХОХ,ХЗА-тай хамтран авто зам, явган зам,инженерийн шугам сүлжээний ажлууд дээр үзлэг хийжээ. 
Үзлэгээр 5  ажил дээр цөмөрсөн байсныг гүйцэтгэгч компанид хугацаатай албан шаардлага хүргүүлэн технологийн дагуу булалтыг хийлгүүлэхээр ажиллаж байна.
Цөмрөлт өгсөн газрууд нь “Тавинлан” ХХК-ийн1-р хорооллын хойд дугуйгийн  уулзвар,1-р микрийн 1-5-р байрны явган зам, “Баянмараат” ХХК-ийн 2-р хорооллын МСҮТ-ийн баруун талд, “Цагаанзуун”ХХК-ийн Булаг багийн 18-р гудамж,“Цагаанзуун” ХХК-ийн Цагаанчулуут багийн 42,43-р гудамж, “Ээлт-Өлгий” ХХК-ийн Цагаанчулуут багийн “Танил” захын зүүн урд талд зэрэг байршлууд байна.