Орхон аймгийн ЗДТГ-аас гаргасан хуваарийн дагуу төрийн бодлого боловсруулах , шийдвэр гаргахад аймгийн хэмжээнд иргэдийн санал, хүсэлтийг сонсож бодлого шийдвэрт тусгах, төрийн байгууллагаас хийж буй үйлчилгээг иргэдэд шуурхай хүргэх зорилгоор Амарын талбайд нээлттэй хаалганы өдөрлөг зохион байгуулсан юм. Энэ үеэр аймгийн татварын хэлтсийнхэн иргэдэд дараахь үйлчилгээг үзүүлсэн байна.

АТБӨЯХАТ-ын ногдол, цахимаар төлөх заавар

Малын тоо толгойн албан татварыг сурталчлах, арга зүйн зөвлөгөө өгөх

Бизнес эрхлэгч хувь хүний бүртгэл, мэдээлэл засварлах, шинэчлэх, пос машины тохиргоо хийх заавар

ХХОАТ-ын хуулийн хэрэгжилт, хоцорсон тайлан нөхөж авах, тайланд залруулга хийх зааварчилгаа

ХХОАТ-ын дагуу хөнгөлөлт, чөлөөлөлт эдлэх тухай

Шинэ татвар төлөгчдөд зориулсан зөвлөгөө мэдээлэл

Хуулийн этгээдийн бүртгэл, мэдээлэл шинэчлэх, салбараар бүртгүүлэх, татан буугдах хүсэлт хүлээн авах, НӨАТСТ-өөр бүртгэх, бүртгэлээс хасах, пос машины тохиргоо хийх заавар зөвлөгөө

Татварын тайлан илгээх, засварлах, цахимаар татвар төлөх заавар, зөвлөгөө

Татварын хяналт шалгалтаар илэрдэг нийтлэг зөрчлөөс урьдчилан сэргийлэх татварын хууль тогтоомжийн зөвлөгөө, мэдээлэл

И-баримт аппликейшин, emongolia апплекэйшнын зөвлөгөө мэдээллээр хангах, шинээр суулгах, бүртгэл хийх, зөрүүтэй мэдээлэл засварлах гэх мэт. Иргэдийн зүгээс сүүлийн хоёр жил цар тахлын улмаас мэдээлэл авах боломж хомс байсан, Татварын хууль тогтоомжид орсон өөрчлөлтийн талаар мэдлэг дутуу зэрэг нь хүндрэл учруулж байна. Цаашид жил бүр иргэдтэйгээ нээлттэй өдөрлөг хэлбэрээр уулзаж зйлчилгээ үзүүлбэл илүү ач холбогдолтой болох талаар санал, хүсэлтээ ирүүлсэн байна.