“Монгол Дайвин” ХХК Цагаанчулуут багийн нутаг дэвсгэр 7 дугаар хороололд 11.4 га газрыг хамарсан 192 айлын амины орон сууцны төслийг 2013 оноос эхлүүлсэн байдаг. Тус компаниас гэрээг сунгах хүсэлт тавьсны дагуу 2018 оны 8 дугаар сарын 17-ны өдөр байгуулсан 01 тоот гэрээний хэрэгжилт, гүйцэтгэлтэй танилцаж, Засаг даргын зөвлөлийн хуралдаанаар хэлэлцүүлсэн юм. “Эко” хорооллын тохижолт, үйлчилгээтэй холбоотой гомдол санал иргэдээс их ирдэг. Тус хороололд амьдарч байгаа 50 өрх өнөөдрийг хүртэл компанийн хариуцлагагүй байдлаас болж газрын гэрчилгээгээ авч чадаагүй байна. Тиймээс эхний ээлжинд яаралтай 50 өрхийн асуудлыг шийдэж, газрын гэрчилгээг олгох нь зүйтэй гэж үзэн тус компанитай гэрээ сунгах боломжгүй гэж үзжээ.
