Монголын шинэ үеийн залуус Монгол төр, засгийг “Ажлаа хий” хэмээн шаардан хоёр өдөр Сүхбаатарын талбайд жагссан. УИХ, Засгийн газраас залуучуудын шаардлагын дагуу “Ажлаа хий”-гээд байна. Ямар ч байсан парламент дахт олохнийн бүрдүүлэгч МАН-ын Бүлэг 2022 оны төсөвт Тодотгол хийхийг 100 хувь дэмжсэн. Ингэснээр УИХ-аас 2022 оны төсөвт тодотгол хийх нь тодорхой болжээ. Энэхүү 2022 оны төсөв цар тахлын жилд зохиогдсон, боогдсон, батлагдсан төсөв. Тодорхой хэмжээнд илүү зардлыг хэмнэсэн, танасан төсөв байлаа. Манай аймгийн ИТХ 2021 оны арванхоёрдугаар сарын эхээр хуралдаж 2022 оны төсвөө баталсан. Аймгийн Засаг дарга С.Батжаргал 2022 онд төсвийн хэмнэлтийн хүрээнд төсвийн байгууллагуудын доорх зардлуудыг 100 хувь хэмнэхээр оруулж ирсэн.

Үүнд,

*** Байгууллагын тавилга, эд хогшил худалдан авах зардал

*** Зочин төлөөлөгч хүлээн авах зардал

*** Гадаад томилолтын зардал

*** Ном хэвлэлийн зардал

*** Сургалт семинарын зардал

*** Уралдаан тэмцээн зохион байгуулах зардлууд багтжээ.

Мөн дараахь зардлыг 50 хувь хэмнэхээр төсвийн төсөлд тусгаад байгаа аж.

*** Дотоод албан томилолтын зардал

*** Бичиг хэргийн зардлуудыг өмнөх оны гүйцэтгэлээс 50 хувиар бууруулна

Харин шатахууны үнийн өсөлттэй холбогдуулан төсвийн байгууллагын шатахууны зардлыг 50 хувиар нэмэгдүүлэхсэн юм. Хэрэв УИХ 2022 оны төсөвт тодотгол хийвэл манай аймгийн хувьд ч төсвийн хэмнэлтийн хүрээнд төсөвтөө тодотгол хийх болох нь.