Гуравдугаар сарын 1 бол Эх орончдын өдөр. Мөн энэ өдөр МАН-ын түүхт 101 жилийн ой тохиож байна. Түүхт 101 жилийн ойн өдрөөр аймгийн МАН-ын хорооны дарга, УИХ-ын гишүүн Д.Батлут, аймгийн ИТХ-ын дарга Д.Мөнхбат, аймгийн Засаг дарга С.Батжаргал, аймгийн Засаг даргын орлогч А.Түвшинжаргал, М.Түмэнжаргал, “Эрдэнэт үйлдвэр” ТӨҮГ-ын ерөнхий инженер Д.Батмөнх болон МАН-ын гишүүд, ахмадуудын төлөөлөл, иргэд оролцлоо.

Энэ үеэр аймгийн ИТХ-ын дарга, аймгийн МАН-ын хорооны дэд дарга Д.Мөнхбат хэлсэн үгэндээ “Өнөө цагийн Монгол улсын бүрэн бүтэн байдал тусгаар тогтнолын хамгийн том гэрч болсон МАН-ын түүхт 101 жилийн ойн баярын өдөр тохиож байна. Энэ өдөр Орхон аймгийн МАН-ын хороо гишүүд, дэмжигчдийнхээ хамт, нийт эрдэнэтчүүдтэйгээ түүхт ойгоо тэмдэглэж Амарын сайдынхаа хөшөөнд хүндэтгэл үзүүлж байна. Нийт эрдэнэтчүүддээ Эх орончдын баярын мэндийг өргөн дэвшүүлье. Хоёрдугаар сарын 25-нд аймгийн МАН-ын хорооны Бага хурал хуралдаж намын дүрмийн дагуу намын хорооныхоо даргыг сонгож, намын хорооны бүтэц, бүрэлдэхүүнийг шинээр сонголоо. Тэргүүлэгчдээ сонголоо, Шинэ хамт олны хамгийн анхны ажил бол Эх орончдын өдөр, Намынхаа түүхт 101 жилийг ойн баярыг тэмдэглэх арга хэмжээ байлаа. Сүүлийн 2 жил намын баяраа гишүүд, дэмжигчидтэйгээ хамт тэмдэглээгүй байсан. Өнөөдөр нөхцөл байдал дээрдэж шар төвшинд шилжсэн энэ цагт тодорхой төвшинд халдвар хамгааллын дэглэмээ баримтлан тэмдэглэж байна” хэмээн онцолсон юм.