Аймгийн ЗДТГ, Байгаль орчин аялал жуулчлалын газартай хамтран өнөөдөр “Ногоон Эрдэнэт” зөвлөгөөнийг зохион байгуулж байна. Зөвлөгөөнд, УИХ-ын гишүүн Д.Батлут, Монгол улсын Засгийн газрын гишүүн, Байгаль орчин, аялал жуулчлалын сайд Б.Бат-Эрдэнэ, Монгол улсын Ерөнхийлөгчийн Тамгын газрын дэд дарга Д.Үйлстөгөлдөр, Орхон аймгийн Засаг дарга С.Батжаргал, Орхон аймгийн ИТХ-ын дарга Д.Мөнхбат, “Эрдэнэт үйлдвэр” ТӨҮГ-ын Ерөнхий захирал Х.Бадамсүрэн болон эрдэмтэн мэргэд, мэргэжлийн байгууллагын төлөөлөл, аж ахуйн нэгжүүд оролцов.

Монгол улсын Ерөнхийлөгчийн санаачилсан “Тэрбум мод тарих үндэсний хөдөлгөөн”-ний хүрээнд  2030 он гэхэд манай аймаг 20 сая мод тарьж ургуулах үүрэг хүлээсэн. Энэ ажлын эхлэл ийнхүү өнөөдөр гараанаас гарлаа. “Монгол улсын хөгжүүлэх Алсын хараа 2050” дунд хугацааны хөтөлбөр, Орхон аймгийн ИТХ-аас баталсан хөтөлбөр, Аймгийн Засаг даргын мөрийн хөтөлбөр, аймаг орон нутгийг 2024 он хүртэл хөгжүүлэх Үндсэн чиглэлд туссан зорилго, зорилтуудын хүрээнд хийж буй энэ удаагийн зөвлөгөөнд төрийн байгууллага, хувийн хэвшлийн болон МУИС зэрэг судалгаа, шинжилгээний байгууллага идэвхтэй оролцож байна.