Өнгөрсөн 7 хоногт БОЭТ-ийн амбулаториор 2900 гаруй үзлэг хийгджээ. Энгийн үед өдөрт 4000 гаруй хүн үйлчлүүлдэг бөгөөд хөл хорионы үед хамгийн ихдээ 200 гаруй хүн амбулаториор үйлчлүүлж, эмчийн үзлэгт хамрагдаж байсан юм.
Тэгвэл өнгөрсөн долоо хоногоос хөл хөдөлгөөн ихэссэн байна. Эмнэлгийн байгууллагаар үйлчлүүлэхдээ иргэд олноор цугларч, хөл хорионы дэглэм алдагдаж, эрсдэл үүсч байгаа тул шаардлагагүй тохиолдолд эмнэлгийн байгууллагаар үйлчлүүлэхгүй байж, утсаар мэдээлэл авч, өрхийн эрүүл мэндийн төвдөө хандахыг анхааруулж байлаа.
Мөн өнөөдрийн байдлаар 196 хүн хэвтэн эмчлүүлж байгаа бөгөөд хэвтэн эмчлүүлэгчдийг ковид-19 түргэвчилсэн шинжилгээнд хамруулж байгаа талаар мэдээллээ.
