Энэ онд орон нутгийн төсвийн 800 орчим сая төгрөгийн хөрөнгөөр 19 байршилд тоглоомын талбай болон сургууль, цэцэрлэгийн гадна тохижилтын ажил хийгдэж байна. Эдгээрээс одоогоор 11 ажил нь хийгдэж байгаа бол 8 ажил нь бүрэн дуусжээ. Тоглоомын талбайнуудын тухайд баригдаж буй байршлаасаа шалтгаалж хэмжээ, тоглоомын нэр төрөл нь харилцан адилгүй хийгдэж байгааг Хот байгуулалт, барилга захиалагчийн албаны хяналтын инженер хэллээ.
Нийтдээ 19 байршилд байршилд тоглоомын талбай болон сургууль, цэцэрлэгийн гадна тохижилтын ажлын гүйцэтгэгчээр 14 компани ажиллаж байна. Эдгээр нь бүгд орон нутгийн аж ахуйн нэгжүүд юм. Энэ онд хийгдэж буй тоглоомын талбайнууд нь есдүгээр сарын 15 гэхэд бүрэн дуусаж ашиглалтад орно.
Аймгийн хэмжээнд хийгдэж буй тоглоомын талбайнуудын байршлыг дурдвал Зэст багийн 1-18, 1-20-р байрны дунд болон 1-16, 1-17-р байрны дунд, Оюут багийн 2-5-р байрны дэргэд, Булаг багийн 14, 45-р гудамж, Шанд багийн 39-р гудамж, Наран багийн 47-р гудамж, Баянцагаан, Уртын гол, Дэнж багт, Жаргалант сумын Төмөр замын хороололд баригдана. Мөн 4, 5, 8, 20 дугаар сургуулийн гадна талбайд биеийн тамирын талбайг иж бүрэн тохижуулах ажил хийгдэх юм.
[sgmb id="1"]
