Монгол улсад Усны салбар үүсч хөгжсөний 80 жилийн ойд зориулан "Бүх нийтээр мод тарих үндэсний өдөр"-өөр Орхон аймаг дахь Сэлэнгэ голын сав газрын захиргааны хамт олон Сархиа ууланд 80 ширхэг мод тарилаа Энэ хамт олон өнгөрсөн онд Байгаль орчин, аялал жуулчлалын яамны 30 жилийн ойд зориулж Сархиа ууланд 30 ширхэг мод тарьж байсан. Байгаль орчны салбарын байгууллагын хувьд жил бүр  мод тарих аянаар бусдад үлгэрлэхийн тулд ийнхүү сэтгэл гаргадаг уламжлал эднийд тогтоод байна. “Модыг зөвхөн тариад орхих биш байнгын арчилгаатай байлгаж, ургалтыг нь нэмэгдүүлдэг. Өнгөрсөн жил тарьсан модны ургалт хэвийн байна, энэ жил 5-6 настай 80 ширхэг шинэс нэмж суулгаснаар ойн төгөлтэй болох юм” гэж Сэлэнгэ голын сав газрын захиргааны дарга М.Чулуунзагд ярьж байна. Жил бүрийн тав, аравдугаар сард улс даяар мод тарих ажлыг зохион байгуулж хэвшээд байна. Хүн бүхэн байгаль дэлхийдээ хувь нэмрээ оруулж, үр хүүхэддээ цэвэр агаар бэлэглэхийн төлөө гар бие оролцож байгаа нэг байгууллагыг ийнхүү онцоллоо.[sgmb id="1"]