Даатгалын олон төрлийн үйлчилгээг хүртэх боломж  иргэдэд нээлттэй байдаг. Тухайлбал, Эрүүл мэндийн даатгалаас зардлыг гарган 16 төрлийн тусламж, үйлчилгээг авах эрхтэй юм. Зайлшгүй шаардлагатай эмийн үнийн хөнгөлөлт, эмнэлгийн оношилгоо, шинжилгээ болон хэвтүүлэн эмчлэх үйлчилгээнд даатгал төлснөөр хамрагддаг байна. Х.Саранчимэг: Хөнгөлөлттэй эмийг зөвхөн сар бүрийн нэгэнд олгодоггүй “Даатгуулагч эрүүл мэндийн даатгал төлснөөр жилдээ 2 сая хүртэлх төгрөгийн үйлчилгээ авах эрхтэй. Үүний нэг нь эмийн үнийн хөнгөлөлт юм.  Хөнгөлттэй үнээр олгодог эмтэй холбоотой гомдол иргэдээс тасардаггүй.  Хөнгөлөлттэй эмийг зөвхөн сар бүрийн нэгэнд олгодоггүй. 3-р сард  гэхэд 13-ны өдрийг хүртэл  эмийн сангуудад олгосон. Эмийн жагсаалтыг өөрчилж байгаа учир 4-р сараас шинэ жагсаалтаар эм олгох болно” гэж Эрүүл мэндийн даатгалын тасгийн дарга Х.Саранчимэг мэдээлэв. Орхон аймагт 20 эмийн сан эмийн хөнгөлөлттэй эм олгож байна. 1-р зэрэглэлийн эмийн сангууд нэг сард зургаан сая төгрөгийн хөнгөлөлттэй эм олгож байгаа бол зарим эмийн сангууд 800 мянган төгрөгийн хөнгөлөлт авдаг байна.[sgmb id="1"]