Аймгийн ИТХ-ын хуралдаанаар “Шилжих үлдэгдлээс зарцуулах хөрөнгийн жагсаалт”-ыг баталсан. Аймгийн төсвийн давсан орлого болох хоёр тэрбум гаруй төгрөгийг хуваарилсан. Аймгийн удирдлагаас 20 га газарт Соёл амралтын хүрээлэн байгуулах  ажлын эхлэл болгож шилжих үлдэгдлээс нэг тэрбум төгрөгийг зарцуулж байгаа аж. Хот хоорондын А1001 авто замын урд талд “Баян-Өндөр эко хороолол”-ын өмнөх талбайд Соёл амралтын хүрээлэн байгуулахаар эрх баригчид төлөвлөжээ. Соёл амралтын хүрээлэнд орчин үеийн алсыг харагч, нсидэг хулгана зэрэг Улаанбаатарт байдаг тоглоомуудыг байршуулах тухай яригдсан. Энэ үеэр аймгийн ИТХ-ын төлөөлөгч Ц.Алтаншагай “Соёл амралтын хүрээлэнд хоёр алсыг харагч хэрэггүй. Одоо энэ урд байгаа алсыг харагчийг нийслэл хот ашиглалтаас гаргасан. Үүнийг нь Б.Бат-Эрдэнэ аварга Хэнтий аймаг руугаа авах гэж байсныг манайхан хөөцөлдөөд Эрдэнэтэд авч ирсэн. Гэтэл энэхүү алсыг харагчийг “ямар хулгайч” хувьдаа авчихав аа. Тухайн үед аймгийн өмчид авсан байдаг. Үүнийг судалж “ямар хулгайч” хувьдаа авсаныг шалгуулах, гаргаж ирэх хэрэгтэй байна” гэлээ.