Хорвоогийн алтан наран дор үр хүүхдээ хөтлөөд инээд хөөрөөр дүүрэн явах жаргал ээж бүхэнд тэгш заяадаггүй нь гачлантай. Хоёр хүүтэйгээ амьдардаг Б.Мөнхцэцэг хорт хавдраар шаналж, хэвтэрт орсон хүүгийнхээ өмнөөс сайхан сэтгэлт олон түмнээсээ тусламж хүсч байна. Том хүү Б.Өсөх-Ирээдүй нь өнгөрсөн оны есдүгээр сараас зүүн хөлөөр нь хүчтэй янгинан өвдөж эхэлсэн байна.  Ид сахилгагүйтэн гүйж явсан арван хэдэн насандаа тэрээр ясны хорт хавдраар өвдсөн нь оношлогдож, Эх нялхасын төвд бүтэн сар хэвтжээ. Хорт хавдарын эсрэг химийн тариагаар зургаан сар эмчлүүлсэн ч хүү хөл дээрээ боссонгүй.  Хоёр хүүгээ хүн болгох гэж гадаа гарч эр болж яваа энэ залуухан бүсгүйд олон түмэн минь сэтгэл гаргаж туслацгаая. Хорт хавдрын химийн тарианы эмчилгээ үр дүнгүй байгаа тул хугацаа алдалгүй Бээжин хот руу эмчилгээнд явахыг эмч нар зөвлөсөн байна. Б.Өсөх-Ирээдүй хүү арван жилийн 1-р дунд сугуулийн 5А ангид суралцдаг ч хичээлдээ яваагүй бүтэн жил өнгөрсөн. Хүүгийн амь нас, эрүүл мэнд хутганы ирэн дээр иржээ. Ийм хүнд үед үртэй хүн хүүгийнхээ төлөө ичиж зовохгүй, түмэн олноосоо тус дэм гуйж байна. Ээж Б.Мөнхцэцэгийн данс ХААН банк 5091112735, Харилцах утас:9928-5201, 9555-5945. Өглөө бүр алтан наран бүгдийг алагчилгүй гийгүүлдэгийн адил үе тэнгийн найзуудтайгаа инээж хөхрөн гүйж, ээжийнхээ дэргэд эрүүл саруул байхын жаргалыг Б.Өсөх-Ирээдүй хүүд өгцгөөе. Хүмүүсээ, хүүд амьдрал бэлэглээч.[sgmb id="1"]