Шинээр батлагдсан 15 тохиолдлуудыг ажлын байраар нь задалбал:
Хотын амьдрал 1 сарын өмнө     461    0

Үсчний салонтой холбоотой нэг, 8 дугаар сургуультай холбоотой нэг, 12 дугаар  сургуультай холбоотой нэг, “Сонорхайрхан” төвд үйл ажиллагаа явуулдаг фитнэсстэй холбоотой нэг, 7 дугаар хорооллын СӨХ-тэй холбоотой нэг, Жаргалант сумын иргэнтэй холбоотой нэг, “Ачит” эмнэлэгтэй холбоотой нэг иргэнээс тус тус халдвар илэрсэн байна. 

Хавьтлын судалгааг нарийвчлан гаргах ажил эрчимтэй хийгдэж байгаа бөгөөд одоогийн байдлаар ойрын хавьтал, дам хавьталтай  хүнийг тандалт судалгаагаар тогтоож  тусгаарлах болон шинжилгээ авах ажлыг зохион байгуулж байна. Ойрын хавьтлуудад  дунд сургуулийн хүүхдүүд хамрагдаж байгаа тохиолдолд  хүүдүүдийг гэрийн тусгаарлалтад байлгаж хяналт тавин ажиллаж байна.

Гуравдугар сарын 24-нөөс 29-ны өдрүүдэд нийт ойрын хавьтлын 934 хүн, дам хавьтал болох 1550 иргэнийг тандалт судалгаар илрүүлж шинжилгээ аваад байна.

Өнгөрсөн тав хоногийн хугацаанд нийт 19987 иргэнээс түргэвчилсэн оношлуураар шинжилгээ авсан бол PCR шинжилгээг 1212 иргэнд хийгээд байна.

Тусгаарлан ажиглах байранд өнөөдрийн байдлаар 299 иргэн байгаагаас “Цэцэг” зочид буудалд 21, “Молор-Эрдэнэ” зочид буудалд 18, “Эрдэнэт сувилал”-ын цогцолборт 82, “Энэрэл” төвд 70, “Тесеро” зочид буудалд 16, “Эрдэнэт” зочид буудалд 41 иргэн тус тус тусгаарлагдаж байна. Гэрийн ажиглалтанд 1894 хүнийг тандалтаар илрүүлж одоогоор тусгаарлаад байна. Голомт болсон аймаг хотуудаас ирсэн 404 иргэнийг гэрийн тусгаарлалтанд ажиглаж байна.

Өчигдөр ХӨҮСТ-ээс 5000 тун вакциныг хүлээн авсан, эдгээр тун вакциныг “Эрдэнэт үйлдвэр” ТӨҮГ-ын ажилтнуудад хийхээр төлөвлөсөн.

Орхон аймгийн хэмжээнд халдвар илэрсэн байгууллагууд ААН иргэдийн тухайд "Эрдэнэт хивс"ХХК,  "Эрдэнэт үйлдвэр" ТӨҮГ,  "Ачит ихт" ХХК болон 20 дугаар сургууль,  4 дүгээр сургууль, “Орхон эмпати” сургууль, 21 дүгээр цэцэрлэг, 27 дугаар цэцэрлэг,  15 дугаар цэцэрлэг, “Урт цагаан”, “Мэнд-Амар”, “Теди”, худалдааны төв Төрийн банк, Махны  дэлгүүр, Төв аймгийн 061-р анги, “Их хаадын цуваа” хотхон, "Тесеро" төв Үсчний салон “Сонорхайрхан” төвийн фитнэсс 12 дугаар сургууль, 8 дугаар сургууль, “Ачит” эмнэлэгүүд  багтаж  байна