А.Түвшинжаргал: Яаманд ажилладаг Б овогтой Г манай иргэнтэй хамтарч залилан хийсэн
Нийгэм, Улс төр 1 сарын өмнө     1935    0

Аймгийн Засаг даргын энэ долоо хоногийн шуурхай зөвлөгөөнийг орлогч дарга А.Түвшинжаргал удирдан явууллаа.  Тэрбээр энэ удаад дараахь үүрэг даалгаврыг албаныханд өглөө. Үүнд,

  1. ТОСК-ийн 315 айлын байр ашиглалтад орсон. Иргэд нь байрандаа орсон. Одоо ажил хийх хэрэгтэй байна. ТОСК-ийн 315 айлын хүүхдүүд аль цэцэрлэг, сургуульд хамрагдах вэ. Эдгээр иргэд ямар Өрхийн эрүүл мэндийн төвөөр үйлчлүүлэх вэ. Нийтийн тээврийн хувьд автобус, унааны буудал нь хаана байх юм бэ. Энэ байранд орсон иргэд хаягийн бүртгэлээ яаж, хэрхэн хийлгэх вэ. Үүнд Боловсролын газар, Эрүүл мэндийн газар, тээвэр зохицуулалтын газар, Улсын бүртгэлийн хэлтсийнхэн хариу өгөх хэрэгтэй. Ирэх 7 хоногийн шуурхайд албан ёсоор энэ тухай мэдээлэл хий.
  2. ТОСК-ийн 315 айлын байранд орсон иргэдтэй аймаг хатуу гэрээ хийсэн. Гэрээ хийж, урьдчилгаа тушааж орсон иргэн л тэнд амьдарна. Сүүлийн үед байр авчихаад түүнийгээ түрээслэсэн тухай яриа гараад байгаа. Одоо хяналт, шалгалт хийнэ. Шалгалт хийхэд өөрийн гэрээ хийж авсан байрандаа өөр хүн оруулсан, ах дүү нараа байлгасан бол гэрээг цуцална. Дуусгавар болгоно. Гэрээний урьдчилгааг эргүүлж өгөхгүй нөхцөлөөр гэрээ байгуулсан учраас ийм арга хэмжээ авна.
  3. Энэ байрны үнийн хувьд метр квадрат нь 1 сая 230 мянга 761 төгрөг байсан. Хөгжлийн банкны өрийг төлөхийн тулд аймгийн ИТХ-аар оруулаад үнийг нь нэмсэн. Аймгийн ИТХ-аас метр квадратын үнийг 1 сая 560 мянга 32 төгрөг болгосон. Бид дураараа үнэ нэмээгүй. Аймаг, өөрөө энэ ажлыг маш сайн зохион байгуулж хийсэн.
  4. ТОСК-ын байртай холбоотой нэг залилан манай аймагт гарсан. Иргэн Б овогтой Г гэгч нь Барилга, хот байгуулалтын яаманд ажилладаг гээд манай аймгийн иргэн О-той хамтарч ТОСК-ийн байранд оруулж өгнө гэж
  5.  залилан хийсэн. Одоо ч бас асуудал байгаа. Хууль хяналтынхан шалгаж байгаа болов уу. Энэ асуудлаар холбогдох албаныхан ирэх 7 хоногт мэдээлэл хийгээрэй.