Бүтээн байгуулалтын ажлын явцын талаар мэдээлэл хийв
Хотын амьдрал 29 өдрийн өмнө     96    0

Аймгийн Засаг даргын дэргэдэх хэрэгжүүлэгч агентлаг болох Хот байгуулалт, барилга захиалагчийн алба ОНӨҮГ-ын дарга Б.Мөнхдалай даваа гарагийн шуурхайн үеэр бүтээн байгуулалтын явцын талаар мэдээлэл хийлээ. Тэрбээр хэлэхдээ “Өнөөдрийн байдлаар 80 ажилд улсын комисс, 41 ажилд техникийн комисс ажиллаж байна. Баян-Өндөр, Жаргалант сумын хөрөнгө оруулалтын ажил дууссан. Улсын болон аймгийн хөрөнгө оруулалтын ажилд сүүлд гэрээ хийсэн ажлууд эхэлж байна. 

Кувейтын гудамжны хоёр талын явган замыг засварлах, баруун талд асфальт хийх, зүүн талд  үерийн усны суваг солих ажил үргэлжилж байна. Явган замын ажил нь дууссан.  Ажлын гүйцэтгэл 90 хувьтай байна.

Их залуу багт  дулаан цэвэр усны шугам багийн төвийг холбох явагдаж байна.  Төвийн шугамд холбох ажлыг Сокол компани хийсэн. Дулааны станцаас зөвшөөрөл аваад дүүргэлт хийгээд ажлууд дуусна.

 Оохон аймгийн Жаргалант суманд сургуулийн гаднах биеийн тамирын талбайн тохижилтын ажил дуусч байна.  Ар булагт 160 /квт/ дэд станц, 500 метр цахилгааны шугам татах ажил хийгдэж байна.

Баянбулаг, Булаг багийн хооронд автто замын асфальт тавих ажил дууссан.  Үлдсэн ажилд жижиг боржин чулуугаар хийсэн жижиг хавтан тавина.  Замын эцсийн төгсгөлд айлууд газар чөлөөлж өгөхгүй ажлыг удаашруулж байна.

Холбооны уулзвараас барилгачдын талбай хүртэлх авто замын асфальт тавих ажил үргэлжилж байна. Нэг талын эгнээ дууссан.  Нөгөө талын эгнээг засварлаж байна” хэмээн мэдээлээ.

Техникийн комисс ажилласан бүтээн байгуулалтаас:

 Оюут багийн 2-24 дүгээр байрны өмнөх явган хүний замын засвар шинэчлэлт хийсэн.  Өнгө үзэмж сайтай, нягтрал өндөртэй хавтанг тавьсан.

Даваат багийн  Ундаргын 12 дугаар гудамжинд 3х3 сагсан бөмбөгийн талбайн ажил дуусч, техникийн комисс ажилласан.

Улсын комисс ажилласан хөрөнгө оруулалтын ажлаас

 Уртын гол багийн гудамжинд гэрэлтүүлэг тавих ажлыг хүлээн авсан. Баянбулаг багт гэрэлтүүлэг нэмж хийсэн. Согоот багийн  Биеийн тамирын талбайн тохижилтын ажил дууссан.

 Говил багийн Илгээлтийн хэсэгт амралт чөлөөт цагийн талбай байгуулж дууссан.  Их залуу, Яргуйт багийн ахмадын байрыг дулааны шугамд холбох,  Жаргалант сумын гуравдугаар цэцэрлэгийн орчим явган хүний замыг засварласан.

Улсын төсвийн хөрөнгөөр хийж байгаа ажлууд:

 Их залуу багийн 23 дугаар цэцэрлэгийн өргөтгөлийн барилга 40 хувьтай. Даваат багийн 250 суудалтай Соёлын төвийн барилга 20 хувьтай, Рашаант багийн 250 хүүхдийн сургуулийн барилга 30 хувьтай, Цагаанчулуутад барьж байгаа Залуучуудын ордны барилга, Жаргалант сумын  Эрүүл мэндийн төвийн ажил 25 хувьтай, Хүүхдийн тоглоомын парк дээрх  Захиргаа аж ахуйн үйлчилгээний барилга 50 хувьтай байна.

Баянцагаан, Говил, Эрдэнэ багийн төвийн цогцолборын ажил 25-50 хувийн гүйцэтгэлтэй байна. Одоогийн байдлаар 80 ажилд улсын комисс, 41 ажилд техникийн комисс ажиллаж байна.

 

Сэтгэгдэл бичих

500 тэмдэгт

АНХААРУУЛГА: Уншигчдын бичсэн сэтгэгдэлд ErdenetNews.mn хариуцлага хүлээхгүй болно.
Зочдын сэтгэгдэл (0)