Гол мөрний усны түвшин нэмэгджээ
Мэдээ мэдээлэл 28 өдрийн өмнө     58    0

Цаг уурын байгууллагын ирүүлсэн мэдээгээр Хөвсгөлийн уулсаас эх авсан Дэлгэрмөрөн, Бэлтэс, Үүр, Шишхэд, Хангай нурууны арын Чулуут, Идэр, Буян голын усны түвшин өмнөх өдрөөс 30-115 см нэмэгджээ. Дэлгэрмөрөн, Бэлтэс, Ховд, Буянт, Булган, Хархираа зэрэг голууд үерийн түвшинг 5-55 см даван хүчтэй үерлэсэн байна. Цаашид ихэнх нутгаар үргэлжилсэн бороо орж, жижиг гол, хуурай  сайраар сүйтгэл ихтэй уруйн үер буух, гол мөрний усны үвшин богино хугацаанд огцом нэмэгдэж үерлэх магадлал өндөр байна.  

Иймд, иргэд, аж ахуй нэгж байгууллага аялал зугаалгаар явахдаа нэгдсэн зохион байгуулалттай явж, архи согтууруулах ундаа хэтрүүлэн хэрэглэхгүй байх. Гол усны ойролцоо амарч зугаалахгүй байх, бороотой, гол мөрний усны түвшин нэмэгдсэн  үед баталгаатай гүүр, гарам, гарцтай газраар автомашинтай зорчихгүй байхыг мэргэжлийн байгууллагаас анхааруулжээ.

Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах. Үер, усны аюулаас урьдчилан сэргийлэх тухай мэдээ мэдээлэл, дохиог хүлээн авсан даруйдаа бусдад дамжуулах, түгээх. Баталгаагүй зам, гүүрээр зорчихгүй байх. Гэр, хашаа, саравч, орон байрыг гуу жалга, голын ойролцоох эрэг, татамд барихгүй, суурьшихгүй байх. Үерийн ус зайлуулах суваг шуудуу, далан хашлага барих зэргээр өөрийн болон  гэр бүлийнхээ амь нас, эд хөрөнгийг хамгаалж, гол усны ослоос урьдчилан сэргийлэхийг Орхон аймгийн ГТУА 81 дүгээр ангийн захирагч Б.Эрдэнэбаяр анхааруулж байна.

Сэтгэгдэл бичих

500 тэмдэгт

АНХААРУУЛГА: Уншигчдын бичсэн сэтгэгдэлд ErdenetNews.mn хариуцлага хүлээхгүй болно.
Зочдын сэтгэгдэл (0)

Та өсвөр насны хүүхэдтэйгээ бэлгийн болон нөхөн үржихүйн сэдвээр хэр нээлттэй ярилцдаг вэ?

  • Хүүхэдтэйгээ тогтмол ярилцдаг
  • Ямар нэгэн асуудал байгаа мэт санагдмагц ярилцдаг
  • Хааяа нэг асуудаг
  • Хүүхэд маань өөрөө л хэлэхгүй бол асуудаггүй
  • Аль болох зайлсхийдэг