Сургуулиуд шинэ кабинеттэй болжээ
Нийгэм, Улс төр 6 сарын өмнө     23    0
 “Багш” дэд хөтөлбөрийн хүрээнд 7 дугаар сургуульд 4.9 сая төгрөгийн өртөг бүхий биологийн кабинет нээлтээ хийлээ. Үүнд биологийн туршилтат хичээлд ашиглах 32 нэр төрлийн 160 гаруй  техник, хэрэглэгдэхүүн багтаж байна. Тус сургуулийн биологийн кабинет өмнө нь нэг микроскоп, ургамлын үзүүлэнгээс  өөр тоног төхөөрөмжгүй байжээ. Тэгвэл биологийн хичээлийн кабинет байгуулагдсанаар 120 гаруй туршилтат хичээлийн 80 гаруй хувийг хийх боломж бүрдэж байгаа талаар сургуулийн багш нар ярилаа. Учир нь “Багш” дэд хөтөлбөрийн хүрээнд олгосон биологийн кабинет арван мянганы нарийвчлалтай электрон жин, хүний дотоод эрхтэн, 1200 дахин өсгөх чадвартай микроскоп зэрэг нэн шаардлагатай хэрэглэгдэхүүнтэй болсон юм.  “Багш” дэд хөтөлбөрийн хүрээнд ерөнхий боловсролын сургуулийн багш нарын дунд уралдаан зарласан. Эдгээрээс 5 төслийг шалгаруулж нийтдээ 24,4 сая төгрөгийн хөрөнгө оруулалт хийсний нэг нь 7-р сургуулийн биологийн кабинет юм.  Аймгийн Засаг даргын мөрийн хөтөлбөрт туссан “Багш” дэд хөтөлбөр нь  3 дахь жилдээ амжилттай хэрэгжиж байна.  Хөтөлбөрийг хэрэгжүүлэхэд эхний жилд 125 сая төгрөг, хоёр дахь жилд 140 гаруй сая төгрөг, энэ жил 200 сая төгрөгийг зарцуулаад байна.
Сэтгэгдэл бичих

500 тэмдэгт

АНХААРУУЛГА: Уншигчдын бичсэн сэтгэгдэлд ErdenetNews.mn хариуцлага хүлээхгүй болно.
Зочдын сэтгэгдэл (0)

Та өсвөр насны хүүхэдтэйгээ бэлгийн болон нөхөн үржихүйн сэдвээр хэр нээлттэй ярилцдаг вэ?

  • Хүүхэдтэйгээ тогтмол ярилцдаг
  • Ямар нэгэн асуудал байгаа мэт санагдмагц ярилцдаг
  • Хааяа нэг асуудаг
  • Хүүхэд маань өөрөө л хэлэхгүй бол асуудаггүй
  • Аль болох зайлсхийдэг