Аймгийн Засаг даргын захирамжаар Орон нутгийн өмчөөс 2.4 тэрбум төгрөгийн  хөрөнгийг хасч, акталжээ.  Аймгийн Орон нутгийн өмчийн газрынхан хөрөнгийн үнэлгээгээ хийж ашиглагдах боломжгүй болсон, хэрэгцээ шаардлага хангахгүй эд хөрөнгийг тоолж бүртгэн үндсэн хөрөнгөнөөс хасах саналыг аймгийн Засаг даргад гаргасан байна.  Аймгийн Орон нутгийн өмчийн албаныхан жил бүр орон нутгийн өмч хөрөнгийг бүртгэж ашиглах боломжгүй болсон агуулах складанд бүртгэлтэй хэдий ч үхмэл хөрөнгийг ийнхүү батлаж үндсэн хөрөнгөнөөс хасуулах ажлыг зохион байгуулдаг.

Аймгийн Орон нутгийн өмчийн газрынхан 2022 оны өмч хөрөнгийг тооллого, үзлэгийг аймгийн хэмжээнд зохион байгуулж ийнхүү үхмэл хөрөнгийг данснаас хасах ажлыг зохион байгуулснаар агуулах чөлөөлөх боломж бүрдсэн байна. Аймгийн Орон нутгийн өмчийн газрынхан жил бүр үндсэн хөрөнгөө тоолж түүнийхээ дагуу үндсэн хөрөнгийг бүртгэлжүүлж, байгууллага нэг бүр дээрх үндсэн хөрөнгийн тооллогыг хийснээр албан тушаалтны хариуцлага нэмэгдэж, өмч хөрөнгийн ашиглалт хамгаалалтын чанар нэмэгдэж байгааг мэргэжилтэн онцоллоо. Энэ жилийн хувьд

1-д Нийтийн эзэмшлийн 1 байгууллагаас 7.5 сая төгрөгийн үндсэн хөрөнгө

2-д Гурван байгууллагын барилга байгууламжаас 1.4 тэрбум төгрөгийн барилга байгууламж хасагдсан байна

3-д Машин тоног төхөөрөмжийн хувьд 23 байгууллагаас 740.9 сая төгрөгийн машин тоног төхөөрөмж хасагджээ.

4-д Тээврийн хэрэгслийн хувьд 3 байгууллагаас 159.8 сая төгрөгийн үндсэн хөрөнгө хасагдсан байна.

 5-д Тавилга, эд хогшлын хувьд 20 байгууллагаас 127.3 сая төгрөгийн үндсэн хөрөнгө хасагдсан байна.  

Зөвлөлийн гишүүд ашиглах боломжгүй болсон үхмэл хөрөнгийг ийнхүү Засаг даргын захирамжаар акталж, үндсэн хөрөнгөнөөс хасаж байгаа ажлыг зохион байгуулсан аймгийн Орон нутгийн Өмчийн газрын ажилтнуудыг ажлаа санй хийж байна хэмээн тодотгосон юм.