Тэгдэг бол сайнсанж. Гэхдээ математикийн шинжлэх ухаанд “Нэмэгдэхүүний байрыг сольсон ч нийлбэрийн чанар өөрчлөгдөхгүй” гэдэг ухагдахуун байдаг. Өнөөдрийн УИХ 76 гишүүнтэй байгаад ард түмний амьдрал их зохиолч Д.Нацагдоржийн “Хуучин хүү” өгүүлэгт гардаг байдлаас ч дордсон энэ цагт гишүүдийн тоог 126 болгоод өгвөл ард түмний нуруу тэнийнэ гэж хэн хэлээд байгаа юм бэ.

УИХ-ын гишүүд өнөөдрөөс тойрогтоо ажиллаж “За, монголчууд минь парламентийн гишүүдийн тоог 126 болгоод өг. Тэгвэл л бид улс орныг Азийн бар байтугай нь болгох гээд байна” гэсээр ирж байгаа. Үнэн хэрэгтээ 76 дээр 50-ийг нэмээд 126 гишүүнтэй боллоо ч ард түмний амьдрал нэг их дээрдэхгүй болов уу.

Мэдээлэлд ойр байж, албан тушаал, эрх мэдлээ ашиглан түмний хүүхдийн боломжийг хулгайлдаг, Боловсролын зээлийн сангаас зувчуулагчид энэ өдрүүдэд иргэдийн зэвүү, дургүй дургүй хоёрыг нь зэрэг хүргэж байна.

Дээр нь махны үнийн өсөлт, өргөн хэрэглээний бараа бүтээгдэхүүний үнийн өсөлт зэрэг нь монголчуудын нэн тэргүүнд шийдэх асуудал болохоос юун тэр гишүүдийн тоог 126 болгох. Үндсэн хуульд яаж ийгээд нэмэлт өөрчлөлт оруулан гишүүдийн тоог 126 болголоо ч  тэрхүү өөрчлөлтийн үр шимийг ард түмэн биш, улс төрийн нам, албан тушаалтнууд л хамгийн их хүртэнэ. Ард түмний өмнө тулгамдсан асуудал дараагийн, дараагийн, дараагийнх байсаар байх уу.