Аймгийн Татварын хэлтсийнхэн иргэдийн төрийн үйлчилгээг хүртээмжтэй, шууд авах боломжийг хангахын тулд олон төрлийн ажил санаачлан хийж байгаа аж. Тухайлбал, өнгөрсөн онд “Call center” үйлчилгээг нэвтрүүлсэнээр иргэд заавал татварын хэлтэст очих шаардлагагүйгээр утсаар ханддаг болсон. Мөн Татварын хэлтсээс үзүүлж буй нийт үйлчилгээг 4 үндсэн хэсэгт бүлэглэн 44 байцаагч дуудлагыг алдалгүй хүлээн авч зөвлөгөө, зааварчилгаа хүргэн ажиллажээ. 2022 онд манай аймгийн 37384 иргэн  “Call center” дуудлагын үйлчилгээнд хандсан байна. Сард дунджаар 3935 иргэн Татвартай холбоотой мэдээлэл, зөвлөгөөг утсаар авсан нь иргэдийн хувьд цаг хэмнэсэн, шуурхай үйлчилгээ болж чадсан байна.