Нийтдээ 27 тэрбум орчим төгрөгийн өртөгтэй бүтээн байгуулалт өрнөж байгаа. Одоо 13, 14 тэрбумыг нь өгчөөд эхний 3 блок нь бүрэн дуусахад бэлэн болсон. Эхний 100-гаа борлуулаад үлдсэн орон сууцаа тэндээс нь санхүүжүүлэхээр төлөвлөж байгаа. Магадгүй тэндээс орлого сайн байвал Уртын голд эхлэх дахин төлөвлөлтийн барилгуудыг өөрсдөө бид эхлүүлж болох боломж бүрдэнэ. Ийм байдлаар зохион байгуулалт хийсэн. Энэ байрны гараашийн үнэ 21 сая 380 мянган төгрөг. Жаахан өндөр үнэтэй байгаа. Та хэд маань хурлын хуралдаанд үнийг дээшлүүлэх, доошлуулах санал гаргах байх. Бид 200 байраа 75 гарааштайгаа зараад 17.8 тэрбум төгрөгийг 2023 оны орон нутгийн төсөвт төвлөрүүлээд дараагийн байр, байшингаа барина гэж тооцоолол хийсэн. Нэг үгээр хэлбэл 200 байраа 1 сая 952 мянган төгрөгөөр, 75 гараашаа 21 сая 380 мянган төгрөгөөр зарна. Дээд талд байр бий. Нэг нь СӨХ, нэг нь шийтний өрөө. Эндээс тооцвол 260 биш 258 байрыг 75 зогсоолтой нь зараад Орлогод төвлөрүүлнэ. Иргэд олон асуулт  асууж байна. Хамгийн бухимдалтай нь яагаад түрээсээр өгөхгүй байгаа юм бэ гэдэг асуудал. Би хувьдаа тайлбарлахдаа Орхон аймагт барилгын нэг метр кв талбайн үнийг барьж байгаа, иргэддээ орлогод нь нийцсэн хэлбэрээр үнийн дүнгээр худалдаж байгаа. Нөгөө талдаа гэр хорооллынхоо иргэдийг  орон сууцжуулах том бодлого гэсэн тайлбар өгдөг. Ийм байдлаар зохион байгуулалт хийх гэж оруулж ирсэн.