МЯГМАР
2022.05.25
ЭРДЭНЭТ
4C°/23C°
АНУ ДОЛЛАР
3120.56
ЕВРО
3348.67
БНХАУ ЮАНЬ
467.96
ОХУ РУБЛЬ
54.25
БНСУ ВОН
2.47
Юу болоод өнгөрөв өө, аймгийн ИТХ-ын орчимд...
Юу болоод өнгөрөв өө, аймгийн ИТХ-ын орчимд...

              Аймгийн ИТХ-ын ээлжит VII хуралдаан энэ сарын 10-нд цахимаар хуралдсан. Хэвлэл, мэдээллийнхэн ч цахим хуралдааныг сурвалжилж хэлэлцэж буй 10 гаруй асуудлыг нь иргэдэд хүргэсэн. Гэсэн ч энэ удаагийн ээлжит хуралдааны талаар цахим орчинд шуугиж, багагүй хэл ам таталж бүр сүүлдээ “Шинэ МАНАН үүсжээ” гэж ирээд өөрсдийн үзэл бодлоо илэрхийлж байна.

Иргэд үзэл бодлоо илэрхийлэх эрх чөлөөнийхөө хүрээнд цахим хуралдааныг ч багагүй шүүмжилсэн харагдана. “Дунд сургуулийн тавдугаар ангийн хүүхдүүд ч цахим хичээлээ ингэж хийхгүй дээ” гэх ч юм уу “Сургуулийн сурагчдаас долоон дор байгааг нь хар даа” гэх зэргээр “комент” илгээснийг харвал яах аргагүй асуудал үүссэн юм уу эсвэл тэрхүү хуралдааны үеэр ч юм уу тэнд нэг “Буруу эргэлт” болсон байх нь.

Юу болоод өнгөрөв өө, аймгийн ИТХ-ын энэ хуралдааны орчимд. Аймгийн ИТХ дахь олонхи болон сөрөг хүчин цөөнхийн эргэн тойрон дахь байр байдлыг судалж, сонирхож үзтэл аймгийн ИТХ-ын Зөвлөлийн бүрэлдэхүүнийг сонгох асуудал улс төрийн “барометрийн халуун”-ыг зааж, урваач шарваач дээрээ тулж, бүр “Шинэ МАНАН” гэх сэдэв дээр тулжээ. Аймгийн ИТХ-ын даргаас ИТХ дахь МАН, АН-ын бүлгийн дарга нарт Зөвлөлийн гишүүнд орох төлөөлөгчдийнхөө нэрийг ирүүлэхийг мэдэгдэн албан бичиг илгээжээ. Аймгийн ИТХ дахь цөөнхийн бүлэг буюу сөрөг хүчин хурлаа хийгээд, намын бодлого, зорилго зорилтын хүрээнд Зөвлөлийн гишүүнд аймгийн ИТХ дахь төлөөлөгч залуусаа дэмжиж төлөөлөгч Д.Ганболд, Б.Мөнх-Од нарыг дэвшүүлж буй тухайгаа Хурлын даргад албан бичиг хүргүүлсэн байна. Хамгийн сонирхолтой нь Даргын Зөвлөлийн гишүүдийг сонгох энэ асуудал цахимаар шууд яваагүй, нэг үгээр хэлбэл хөшигний ард, олны нүднээс далд болжээ. Зөвлөлийн гишүүдийг сонгох явцад төлөөлөгч Б.Мягмарсүрэн заалнаас нэрээ дэвшүүлж, МАН-ын олонхийн бүлгийн гишүүд уухайлан дэмжиж, алга ташжээ. Улмаар хүн тус бүр дээр санал хураалт явагдахад олонхийн бүлэг АН-ын Бүлгээс нэр дэвшсэн Б.Мөнх-Од, заалнаас нэрээ дэвшүүлсэн Б.Мягмарсүрэн нарыг дэмжиж хурлын Зөвлөлийн гишүүнээр сонгосон байна. Нэг үгээр хэлбэл, аймгийн ИТХ дахь МАН-ын бүлгийнхэн  Б.Мягмарсүрэнг дэмжиж, Д.Ганболдыг унагаж сөрөг хүчнээрээ даажин тохуу хийсэн үү аль эсвэл үнэхээр олонхи ямар нэгэн шинэ санаа сэдэж шинэ ажил эхлүүлэхээр шийдсэн үү.

Хурлын зөвлөлийн гишүүнд намын бүлэг болоод төлөөлөгчид нэр дэвшүүлнэ гэж заасан ч гэсэн АН-ын Бүлэг тухайн асуудлаар байр сууриа нэгтгэн нэг баг болж орсон бололтой. Гэтэл улс төр болсон хойно олонхийн бүлгийнхэн улстөрийн тоглолт хийж “шүд сугалах” зарчмаар Б.Мягмарсүрэнг нэрийг нь дэвшүүлж улмаар Хурлын зөвлөлд багтаасан байна. Б.Мягмарсүрэн АН-аас  нэр дэвшин өрсөлдөж Зэстчүүдийн итгэлийг хүлээн аймгийн ИТХ-ын төлөөлөгчөөр сонгогдсон. Улстөрчийн хувьд АН-д харьяалалтай. Түүний хувьд намынхнаасаа зөрж нэрээ дэвшүүлж Хурлын зөвлөлийн гишүүн болсон нь энэ удаад Эрдэнэтийн улс төрд халуухан уур амьсгал оруулж, иргэдийг талцуулж “Шинэ МАНАН” үүслээ гэх энэ тэр таамгийн эхийг тавьчихлаа. АН-ын гишүүний дүрэм энэ тэрд Б.Мягмарсүрэнгийн гаргасан энэ удаагийн шийдвэр нийцэж байгаа эсэх нь намынх нь асуудал. Дүрмийн зарим нэг заалтаас харвал бүлгийн гишүүн бүлгийнхээ шийдвэрийг дагана. 

Хурлын зөвлөлийн гишүүнийг сонгох асуудлын гогцоо нь аймгийн ИТХ-ын АН-ын бүлгийн гишүүн Д.Ганболдыг нэр дэвшүүлсэнд байгаа бололтой. Жил гаруй хугацааны туршид олонхийн бүлэг цөөнхдөө аймгийн ИТХ-ын Тэргүүлэгчдийн 11 суудлаас дөрвийг нь өгөлгүй луу унжиж шүүхээр асуудлаа шийдүүлэх дээрээ тулж, улмаар МАН-ын Бүлгийн талаас Шүүх дээр “Эвлэрэлийн гэрээ” байгуулах санал тавьж  аймгийн ИТХ-ын тэргүүлэгчдэд цөөнх 3 суудалтай болсон. АН-ын 3-ын нэг нь Д.Ганболд байлаа. Тэрбээр тэргүүлэгчдийн хуралдаан гэлтгүй ИТХ-ын хурал дээр нэхэл хатуутай байж олонхийн бүлгийг сандаргадаг. Ямар сайндаа ИТХ-ын хуралдаан болоход олонхи “Өнөөх гайтай Ганболд ирэх болов уу” гэж асууж сураглах. Үнэндээ зарим асуудалд Д.Ганболд цөөнхийн 10 хүний дайтай байж эрх баригчдыг нуман тулгуурт оруулдаг л даа. Бүр зарим нэг хуралдаан дээр олонхийн зарим төлөөлөгч “Одоо болно оо, Ганболд оо. Ямар олон юм асуудаг юм бэ. Чи ганц хэлтэй амтай нь юм уу” гэж бахардаж бархирч байхыг хэвлэлийнхэн ч харсан.

Энэ удаад Хурлын зөвлөлд нэр нь ороод ирсэн Д.Ганболдоос салахын тулд олонхиос халз хутган Б.Мягмарсүрэнг гаргаад ирсэн нь юу болоод өнгөрсний цаад учиг бололтой. Хамгийн сонирхолтой нь Хурлын зөвлөлийнхөн ямар ч эрх мэдэлгүй хэрнээ ганцхан жилийн хугацаатай сонгогдох юм билээ. Хурлын зөвлөл нь “хуралдааны бэлтгэл хангах, хуралдаан хоорондын хугацаанд Хурлын хороо, Ажлын хэсгийн үйл ажиллагааг зохицуулах”  л ажил үүргийн хуваарьтай. Түүнээс биш мөнгө захиран зарцуулаад, шийдвэр гаргаад, хүн загнаад явахгүй л дээ. “Ухаантай хүн булгийн эхэн дээрээс урсгалыг нь шинждэг ухаан муутай хүн булгийн урсгалыг адгаас нь харж гайхдаг” гэдэг дээ. Ямар ч байсан энэ хаврын Эрдэнэтийн улс төр халуухан эхлэх бололтой.  

ТЕНДЕРИЙН УРИЛГА
ТЕНДЕРИЙН УРИЛГА
5-р сар. 24, 2022, 6:35 p.m.
ТЕНДЕРИЙН УРИЛГА
ТЕНДЕРИЙН УРИЛГА
5-р сар. 24, 2022, 6:33 p.m.
ТЕНДЕРИЙН УРИЛГА
ТЕНДЕРИЙН УРИЛГА
5-р сар. 24, 2022, 6:33 p.m.
ТЕНДЕРИЙН УРИЛГА
ТЕНДЕРИЙН УРИЛГА
5-р сар. 24, 2022, 6:31 p.m.
ТЕНДЕРИЙН УРИЛГА
ТЕНДЕРИЙН УРИЛГА
5-р сар. 24, 2022, 6:31 p.m.
ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
ТЕНДЕРИЙН УРИЛГА
ТЕНДЕРИЙН УРИЛГА
5-р сар. 24, 2022, 6:25 p.m.
Газар хүссэн 21 мянган иргэн өргөдлийг хэрхэн шийдэх вэ
Та төлбөрөө төлсөн л бол баримтаа авах ёстой
Ашиг сонирхлын зөрчилд хамаарах 65 гомдлыг хянан шалгав
Б.Баасансүрэн: Тамхины зөвшөөрлийг нэмж олгохгүй, харин сунгалтаа хийнэ
Өнгөрсөн 7 хоногт 1400 гаруй хүүхэд эмнэлэгт ханджээ
Аймгийн Засаг дарга Солонгост, М.Түмэнжаргал дарга ОХУ-д, А.Түвшинжаргал дарга “Хангинахын шугуй”-д энэ өдрүүдийг үдэж байна
Нийт 2.9 тэрбум төгрөгөөр аймгийн ИТХ ордон бариулж байна
С.Батжаргал: “Гэр бүлийн төгөл”-ийн арчилгааг Сум дундын ойн анги хариуцна
С.Батжаргал: Эрдэнэтчүүд та бүхэндээ баярлалаа
“Хөдөө аж ахуйн ээлжит тооллого 2022” ирэх сарын 3 хүртэл үргэлжилнэ
Урьдчилан сэргийлэх, соён гэгээрүүлэх хэлтсийн даргаар Х.Ихмөрөнг томилов
Хогоо ангилах ялгах  “Соёлоороо ялгарцгаая” уриатай сургалт болж байна
Х.Саранчимэг: Үзлэгт хамрагдахын тулд 2019 оноос хойших даатгалын шимтгэлийг заавал төлсөн байх учиртай
“Эрдэнэт цэцэрлэгт хүрээлэн”  иргэдэд төлбөртэй болно
Аймгийн ИТХ цэвэр бохир усны үнийн нэмэгдлийг бууруулахыг дэмжсэнгүй
С.Батжаргал: Ашиг сонирхлын зөрчилтэй дүгнэлт гарсан, шүүхэд хандана
Цагаан тоосны дэгдэлтийн асуудалд Хамтран ажиллах саналыг Жаргалантууд дэвшүүллээ
С.Батжаргал: Ажлын байр шинээр нэмэгддэггүй, сүлжээ болчихжээ
Монгол улсын Ерөнхийлөгчийн зарлигаар Т.Ичинхорлоог хөдөлмөрийн гавьяаны улаан тугийн одонгоор шагнажээ
Боловсролын газрыг Боловсрол, шинжлэх ухааны газар болгон өргөтгөн байгуулжээ
Юу болоод өнгөрөв өө, аймгийн ИТХ-ын орчимд...
А.Түвшинжаргал, С.Ганцогт дарга аа “Хүчээ нэгтгээд” энэ овоолсон шороог буулгаад өгөөч, амьд явмаар байна
Б.Мягмарсүрэн: ГОК-ынхон ирээд баахан худлаа ярина, ямар ч үр дүн гарахгүй
18 дугаар цэцэрлэгийн хуучин байшинг зарна
“Сайн электроникс” компаниас урьдчилгаагүй, 100 хувийн зээлээр дэлхийн брэндийг авах боломжтой
“Эрдэнэт медипас” эмнэлгийг 2012 онд суурийг нь тавьж, 2015 оны тавдугаар сард ашиглалт хүлээн авч байсан. Тухайн үеийн ханшаар төсөвт өртөг нь 35 сая ам доллар буюу 69 тэрбум төгрөгөөр үйлдвэрийн 100 хувийн санхүүжилтээр баригдаж байсан түүхтэй.
Х.Бадамсүрэн: “Өсөх”-ийнхөөн, 65 км зам барина, хайрга дайрга нийлүүлэх боломж байгаа юу
А.Түвшинжаргал: Түрээслэх асуудал дээр бид болгоомжтой хандана. Огт түрээслэхгүй гэж хэлж мэдэхгүй байна
“НОГООН ЭРДЭНЭТ” ЗӨВЛӨГӨӨН БОЛНО
Аймгийн ИТХ-ын Тэргүүлэгчид “Эрдэнэт Ус”-ынхантай хуйвалдан усны үнийг нэмсэн үү
Лифтний үнийг 20 мянга болохыг оршин суугчид нь “хоёр гараа өргөөд”дэмжсэн гэнэ үү
Тендэр шалгаруулалтын явцын дүнгээр аймгийн ОНӨГ улсад тэргүүлжээ