“Тавин лан” компани Орхон аймгийн нэг, хоёрдугаар хорооллын дундах төв замыг хаагаад 106 хонож байна. Нээсэн байгаа гэж үү. Хагас хугас л даа, зүүнээс баруун тийш чиглэсэн ганц чигийн, нэг эгнээг бол нээсэн нь үнэн. Гэхдээ замыг хэзээ бүтнээр нээхийг тус компанийнхан л мэднэ. Өвөл хаяанд ирчихээд хэн хүнгүй өвөлжилтийн бэлтгэлдээ хангаж байгаа энэ цагт хотын төвийн замын дагуух ухсан нүх ундуй сундуй байдал аюул дагуулж мэдэхээр боллоо.

Цаг агаарын мэдээг сонсжлоо. Аравдугаар сарын 7-нд баруун аймгуудын нутгийн зарим газар, 8-нд баруун болон төвийн аймгуудын ихэнх нутгаар ахиухан хэмжээний бороо, нойтон цас  орно. Салхи 8-нд ихэнх нутгаар секундэд 18-20 метр хүрч ширүүсэн цасан болон шороон шуурга шуурна. 8-наас ихэнх нутгаар хүйтэрч төвийн аймгуудын нутгаар шөнөдөө -4-9 хэм хүйтэн, өдөртөө -1-ээс +4 хэм хүртэл дулаан байх тухай мэдээ байна. Бороо цас холилдон орж, улмаар цасан болон шороон шуурга шуурч, хүйтрэх гээд байхад төв зам ийм байдалтай байна. Албаны хүнээс зам засварын ажлыг хүйтэн сэрүүний нөхцөлд хэдий болтол хийж болох тухай сонирхоход “Хөрсөн дээр хасах хэмд хүрсэн тохиолдолд хийж болохгүй” хэмээх нь тэр.

Нөхцөл байдал ийм байхад манай Эрдэнэт хот дайн тулалдааны хориглолтод байгаа мэт дүр төрхтэй энэ хаврыг үдэж байна.