-Аймгийн ИТХ-ын Төсөв, санхүү хөгжлийн хорооны хурлаар Шилэн дансны хуулийн хэрэгжилтийн талаар болон бусад асуудлыг хэлэлцсэн. Энэ асуудлаар хорооны дарга, төлөөлөгч Г.Эрдэнэбаттай уулзаж ярилцлаа.

-Энэ жил хорооны хуралдаан хэдэн удаа болов. Өнөөдрийх арай өөр нөхцөл байдалд боллоо. Энэ талаараа яриагаа эхлэх үү?

-Манай хороо байгуулагдсан цагаасаа хойш гурав дахь хуралдаанаа хийж байна. Энэ удаагийн хуралдаанаар бид  ирэх сарын 15-ны өдөр аймгийн ИТХ-ын хуралдаан болох гэж байтай холбогдуулаад түүний бэлтгэл ажлыг хангах зорилготой. Уг хуралдаанаар олон асуудлууд хэлэлцэнэ8 төсвийн тодотгол яригдана. Ийм учраас өнөөдрийн манай хорооны хурлаар гурван асуудлыг тойрон ярилцлаа. Нэгдүгээрт, аймгийн орон нутгийн өмчийн 2021 оны дүнг батлах тухай. Хоёрдугаарт шилэн дансны хуулийн хэрэгжилт манай аймагт ямар шатанд хэрэгжиж байгаа юм бэ  гэдэг талаар. Гуравдугаарт, 2021 оны улсын болон орон нутгийн хөрөнгө оруулалтаар хийгдэж байгаа ажлуудын  явц ямар байгаа вэ гэдгийн сонслоо. Энэ санхүүгийн жилийн хувьд хөрөнгө оруулалтын ажлууд маань удаашралтай явж байна нь ковид цар тахалтай ч холбоотой байна. Хил, гааль болохгүй байгаа ч гэж ярьж байна, гэхдээ Захиалагчийн алба нь компаниудаа өмнөхөөсөө ч илүү шахаж ажиллаж байгаа гэдэг ийм ойлголт авсан.

-Энэ удаад танай хорооны хэлэлцэх асуудалд Шилэн дансны хуулийн хэрэгжилт багтжээ. Ер нь Шилэн данс гэдэг ойлголт таныхаар юу гэсэн үг вэ?

Шилэн данс гэдэг маань өөрөө шилэн, нээлттэй  байя л гэсэн үг шүү дээ.  Нээлттэй байя, энэ бол нууж хаагаад байх юм байхгүй, төсвийн мөнгийг хэрхэн үр ашигтай зөв зүйлд зарцуулж байна вэ, яаж зарцуулж хэмнэж байна вэ, яаж хэтрүүлж байна вэ гэдгийг гаргаж байгаа ийм л мэдээлэл шүү дээ. Хуультай энэ хуулийнхаа хүрээнд л үүргээ ухамсарлаж ажиллах ёстой. Гэтэл улирал дамнаад гэдэг чинь зургаан сар есөн сар, жил ч дамнацан юм уу мэдэхгүй байна. Тэгээд нэг дөрвөн байгууллага байгаад байдаг. Ямар ч том толгойтой юм. Ямар байгууллага байдгийг би бол мэдэхгүй байна. Гэхдээ тэр байгууллага хэн ч байсан хуулийн дагуу мэдээллэх ёстой. Өнөөдрийн хорооны хуралдаан онцлогтой болж, хэвлэл мэдээлэл оролцдог, онлайнаар оролцдог. Ирцийн хувьд 71.4 хувьтай байна. Энэ бол өндөр хувь гэж бодож байна. 7 гишүүнтэй манай хороо чинь таван гишүүн маань идэвхтэй саналаа хэлж, үгээ хэлж, дүгнэлтээ хэлж оролцлоо. Ер нь шилэн дансны талаар мэргэжлийн байгууллагын мэдээллийг сонсоод саяны дөрвөн байгууллагыг ИТХ дээр зарла гэсэн шаардлага тавьлаа. ИТХ-ын хуралдаан бол орон нутгийн иргэдэд шууд эфирээр хүрдэг.  Иргэн, ажилтан, албан хаагчид дүгнэлт хийх ёстой. Энэ чинь мэдээж биелэхгүй байнаа гээд үүргээ биелүүл гэж санамж бичиг, албан шаардлага өгсөн байж таарна. Гэтэл удаа дараа зөрчил гаргаад байхад нь арга хэмжээ авдаггүй энэ байдлыг таслан зогсоох ёстой гэж үзээд ийм шаардлга тавьсан.

-Санхүүгийн хяналт, аудитын албанаас та бүхэн манай аймагат Шилэн дансны хуулийн хэрэгжилт 94 хувьтай байга гэж танилцууллаа. Энэ дүгнэлтийг та хүлээн зөвшөөрч байна уу?

-Шилэн дансны хууль Орхон аймагт сайн хэрэгжиж байгаа. Нэг удаа “Орхон аймаг муу байна” гэж нэг төвийн мэдээллээр гарч байсан. Тэр мэдээг би бүр онцгойлж харж байсан. Түүнд манай төрийн сангийн хэлтсийн дарга Бямбацэцэг тайлбар хийж байсан. Үнэн худлыг нь нягталж үзсэн. Одоо бол аймгийн захиргааны үүдэндээ төрийн байгууллагууд, төсвийн байгууллагуудын тайланг гаргаад тавьдаг  болсон.

-Та бас Төрийн өмчт байгууллагын дарга. Шилэн дансны хуулийг хэрхэн хэрэгжүүлдэг вэ, танай байгууллагын хувьд?

-Би чинь өөрөө төрийн байгууллага удирддаг. Миний хувьд төсөв, мөнгөтэй холбоотой тушаал гарлаа, түүнийгээ үүдэндээ хаддаг. Тэнд нууж хаагаад байх юм байхгүй. Хэцүүч ажил биш. Шилэн данс манай Орхон аймаг харьцангуй нээлттэй.